23 noyabr 2024, şənbə Bakı, 13°C
IMG-LOGO
  • 23 noyabr 2024, şənbə 20:14:56 Bakı , 13°C
Ana səhifə Xəbərlər Ətraflı

Xəbər lenti:

Fransa aviaşirkətinə məxsus təyyarə Bakıya qəza enişi edib

24-04-2024

Heydər Əliyev Beynəlxalq Aeroportunda “Air France” aviaşirkətinə məxsus təyyarənin qəza enişi etməsi səbəbindən həyəcan siqnalı elan edilib.

Fhnews.az xəbər verir ki, Bakı hava limanının mətbuat xidmətindən verilən məlumata görə, Osaka-Paris marşrutu ilə hərəkət edən “Boeing 777” hava gəmisi göyərtəsində yaranan tüstü səbəbindən Heydər Əliyev Beynəlxalq Aeroportuna qəza eniş sorğusu göndərib.

Aeroportda elan edilən həyəcan siqnalı ilə əlaqədar bütün qəza-xilasetmə xidmətləri hazır vəziyyətə gətirilib.

“Air France” aviadaşıyıcısının təyyarəsi Bakı vaxtı ilə saat 16:37-də uğurla eniş edib. Təyyarədə olan 280 sərnişin dərhal təxliyə edilib, insident nəticəsində xəsarət alan olmayıb.

Hazırda hava gəmisinə baxış keçirilir və hadisənin baş verməsinin bütün səbəblərini müəyyən etmək üçün zəruri tədbirlər kompleksi təşkil olunur.

Paylaş:

Kateqoriyalar

Eyni kateqoriyalı xəbərlər