22 noyabr 2024, cümə Bakı, 14°C
IMG-LOGO
  • 22 noyabr 2024, cümə 03:01:30 Bakı , 14°C
Ana səhifə Xəbərlər Ətraflı

Xəbər lenti:

Fövqəladə Hallar Nazirliyi tərəfindən silsilə maarifləndirmə tədbirləri keçirilib

27-01-2024

Fövqəladə Hallar Nazirliyinin aidiyyəti qurumları tərəfindən fövqəladə hallarla bağlı davranış qaydaları barədə əhalinin maarifləndirilməsi məqsədilə silsilə tədbirlər keçirilib.

 
Belə ki, FHN-in Dövlət Yanğın Nəzarəti Xidmətinin mütəxəssislərinin də iştirakı ilə Bakı Regional Mərkəzi tərəfindən Bakı şəhər 26 saylı Uşaq və Gənclərin Yaradıcılıq Mərkəzində və Nəsimi rayonu Abdulla Rəhimov adına 247 nömrəli tam orta məktəbində, Sumqayıt Regional Mərkəzi tərəfindən Sumqayıt Şəhər İcra Hakimiyyəti başçısının 1 nömrəli inzibati ərazi dairəsi üzrə nümayəndəliyində, Gəncə Regional Mərkəzi tərəfindən Göygöl rayonu Oqtay Cabbarov adına Firuzabad qəsəbə tam orta məktəbində, Şimal-qərb Regional Mərkəzi tərəfindən Qəbələ şəhər Uşaq İncəsənət Məktəbində və Şəki-Zaqatala Regional Təhsil İdarəsinin Qəbələ rayonu üzrə təhsil sektorunda, Şimal Regional Mərkəzi tərəfindən Xaçmaz şəhər Çingiz Abdullayev adına 2 nömrəli tam orta məktəbində, Aran Regional Mərkəzi tərəfindən Ağdaş rayon Xosrov kənd tam orta məktəbində və Cənub Regional Mərkəzi tərəfindən Astara Rayon İcra Hakimiyyəti başçısının Pensər kənd inzibati ərazi dairəsi üzrə nümayəndəliyində maarifləndirmə tədbirləri keçirilib.
 
Tədbirlərin keçirilməsində məqsəd baş verə biləcək təbii və texnogen xarakterli fövqəladə hadisələrlə bağlı zəruri davranış qaydaları barədə vətəndaşlara müvafiq biliklərin verilməsi olub.
 
Tədbirlərdə fövqəladə halların təsnifatı, ölkəmiz üçün xarakterik olan fövqəladə hallar, o cümlədən yanğınların başvermə səbəbləri və bu zaman zəruri davranış qaydaları barədə ətraflı məlumat verilib, FHN-in “112” qaynar telefon xəttinin təyinatı izah olunub, ilkin yanğınsöndürmə vasitələrindən istifadə qaydaları əyani şəkildə nümayiş etdirilib.
 
İnteraktiv formada keçirilən tədbirlər zamanı suallar ətraflı cavablandırılıb.
 
Paylaş:

Kateqoriyalar

Eyni kateqoriyalı xəbərlər