22 noyabr 2024, cümə Bakı, 14°C
IMG-LOGO
  • 22 noyabr 2024, cümə 03:45:33 Bakı , 14°C
Ana səhifə Xəbərlər Ətraflı

Xəbər lenti:

Everest zirvəsinə qalxanlar GPS izləyicisi daşımalıdır

15-03-2024

“Daily Mail” nəşri xəbər verir ki, ötən il Everestdə 18 alpinistin həlak olmasından sonra bu dağa qalxmaq istəyən hər kəsdən GPS izləyici cihazı taxmaq tələb olunacaq.

Fhnews.az xəbər verir ki, paltara tikilən cihazlardan gələn siqnal hətta 20 metr qalınlığında qarın altında da izlənilə bilər ki, bu da alpinistləri fövqəladə vəziyyətdə tapmaq şansını artırır.

Qabaqcıl izləyici cihazlar uzun illərdir ki, peşəkar alpinistlər və bəzi ekspedisiya şirkətləri tərəfindən istifadə olunur. Yeni qurğular daha sadədir. Onlar kiçik bir flash drayverə bənzəyir, şarj tələb etmir və paltara asanlıqla yapışdırılır. İzləmə şirkətləri bu cihazları 10-15 dollara təmin edəcəklər.

Son illər Everesti ziyarət etmək istəyən turistlərin sayı artmaqdadır. Keçən il Nepaldakı Saqarmatha Milli Parkını 60 minə yaxın insan ziyarət edib və onlardan 600 nəfəri dağın zirvəsinə qalxmağa çalışıb.

Dırmanma sənayesinin sürətli inkişafı şirkətlər arasında rəqabət yaradır və bəzilərinin təhlükəsizlik qaydalarını pozmasına səbəb ola bilər. Bundan əlavə, Everestə yalnız hava aydın olduqda qısa müddət ərzində qalxmaq olar. Bu da çətin ərazilərdə növbələrin yaranmasına gətirib çıxarır.

Hündürlükdə xilasetmə əməliyyatlarını təşkil etmək olduqca çətin olduğundan, GPS izləyiciləri xəsarət almış alpinistlərin axtarışını asanlaşdırmaq və bu prosesi xilasedicilər üçün daha az riskli etmək üçün nəzərdə tutulub.

Paylaş:

Kateqoriyalar

Eyni kateqoriyalı xəbərlər