22 noyabr 2024, cümə Bakı, 14°C
IMG-LOGO
  • 22 noyabr 2024, cümə 03:07:55 Bakı , 14°C
Ana səhifə Xəbərlər Ətraflı

Xəbər lenti:

Bu il daha 300 peşə və kvalifikasiya standartının təsdiqi nəzərdə tutulub

05-06-2024
IMG

Əmək və Əhalinin Sosial Müdafiəsi Nazirliyi bu il daha 300 peşə və kvalifikasiya standartının hazırlanaraq təsdiqlənməsini nəzərdə tutub.

Fhnews.az xəbər verir ki, bu barədə nazirlikdən məlumat verilib.

Qeyd olunub ki, onlardan artıq 124 standart hazırlanıb və təsdiq edilib.

Peşə standartları konkret peşə sahəsi üzrə işçinin yerinə yetirməli olduğu işin məzmununa və əmək şəraitinə qoyulan minimum tələblərin məcmusudür. Kvalifikasiya standartı isə kvalifikasiyaların verilməsi üçün tələb olunan səriştələri, təlim nəticələrini və qiymətləndirmə meyarlarını əks etdirən sənəddir.

Bu standartlar əmək bazarının tələblərinə uyğun kadr hazırlığının təşkilində, işçi qüvvəsinin keyfiyyətinin artırılması və beynəlxalq standartlara uyğunlaşdırılmasında baza rolunu oynayır.

Standartların layihələrinə dövlət orqanları, təhsil müəssisələri, işəgötürən və onların birlikləri, peşə assosiasiyaları və həmkarlar ittifaqları birliklərindən ibarət olan, iqtisadiyyatın müxtəlif sahələri üzrə fəaliyyət göstərən sahə komissiyalarında baxılır və həmin sahələr üzrə ekspert rəyləri nəzərə alınmaqla təsdiq edilir.

Ümumilikdə son 5 ildə 1132 peşə və kvalifikasiya standartı hazırlanaraq təsdiqlənib və Nazirliyin e-sosial.az portalındakı “Peşə və Kvalifikasiya Standartlarının Reyestri”nə daxil edilib.

Paylaş:

Kateqoriyalar

Eyni kateqoriyalı xəbərlər