22 noyabr 2024, cümə Bakı, 14°C
IMG-LOGO
  • 22 noyabr 2024, cümə 04:37:04 Bakı , 14°C
Ana səhifə Xəbərlər Ətraflı

Xəbər lenti:

BMT: Somalidə şiddətli yağışlar 770 min insana təsir edə bilər

22-04-2024
 
BMT: Somalidə şiddətli yağışlar 770 min insana təsir edə bilər

BMT-nin Humanitar Məsələlərin Əlaqələndirilməsi Ofisinin məlumatına görə, Somalinin 22 rayonunda gözlənilən güclü yağış və daşqınların təxminən 770 min insana təsir edəcəyi gözlənilir.

Fhnews.az “Relief Web” saytına istinadla xəbər verir ki, BMT-nin ofisi ölkənin əksər bölgələrində şiddətli yağışların başladığını, lakin hələlik daşqınlar barədə məlumat daxil olmadığını bildirib. Ofis Somalinin paytaxtı Moqadişoda yağışların gözlənilən təsirini azaltmaq üçün plan hazırlayıb və bu məqsədlə təcili resurslara ehtiyac duyulduğunu vurğulayıb.

Məlumatda, həmçinin insanları təxliyə etmək, Şabelle və Cuba çayları boyunca lazımı yerlərə yardım çatdırmaq üçün 51 qayığın hazır olduğu qeyd edilib.

Xatırladaq ki, 2023-cü ilin sonlarında güclü yağış və daşqınlar 1,6 milyon insanın evlərini tərk etməsi ilə nəticələnib. Bu ilin mart ayında şiddətli yağışların bəzi ərazilərdə vəba epidemiyasına səbəb olması ilə bağlı əhaliyə xəbərdarlıq edilib.

Paylaş:

Kateqoriyalar

Eyni kateqoriyalı xəbərlər