22 noyabr 2024, cümə Bakı, 14°C
IMG-LOGO
  • 22 noyabr 2024, cümə 04:39:39 Bakı , 14°C
Ana səhifə Xəbərlər Ətraflı

Xəbər lenti:

Avropa Parlamenti "Süni İntellekt Qanunu"nu təsdiq edib

13-03-2024

Avropa Parlamenti  ChatGPT və Gemini kimi müxtəlif süni intellekt texnologiyalarına sərt qaydalar gətirəcək yeni qanunu təsdiqləyib. Parlamentin Baş Assambleyasının Strasburqda keçirilən  sessiyasında dünyanın süni zəkasının ilk əhatəli qaydalarını gətirəcək "Süni intellekt Qanunu” 523  səs lehinə olmaqla qəbul edilib. Yeni qaydalara görə, Avropa İttifaqı ölkələrində istifadə oluna bilən süni intellekt sistemləri  təhlükəsiz olmalı və əsas hüquqlara hörmət edilməlidir. Süni intellekt sistemləri cəmiyyətə zərər vurma ehtimalına uyğun olaraq risk əsaslı şəkildə tənzimlənəcək.

Süni intellektin bəzi istifadələrindəki risklər qəbuledilməz hesab olunacaq və bu sistemlərin istifadəsi qadağan ediləcək. İnternetdən və ya CCTV-dən üz şəkillərinin alınması,  iş yerində və təhsil müəssisələrində tanınma, cinsi oriyentasiya və ya dini inanclar kimi həssas məlumatları çıxarmaq üçün sosial hesablama, biometrik təsnifat qadağan ediləcək. İnsanların zəif cəhətlərini manipulyasiya edən və ya onlardan istifadə edən süni intellekt qadağan ediləcək. 

Hüquq-mühafizə orqanları terror hücumlarının qarşısının alınması və ya itkin düşmüş şəxslərin müəyyən edilməsi kimi müstəsna hallarda qanuni icazə ilə ictimai yerlərdə real vaxt rejimində uzaqdan biometrik identifikasiya sistemlərindən istifadə edə biləcəklər.Yüksək riskli süni intellekt sistemləri ilə bağlı daha sərt qaydalar tətbiq olunacaq. Kritik infrastruktur, təhsil, məşğulluq, səhiyyə, ictimai xidmətlər, bankçılıq, immiqrasiya və sərhədlərin idarə edilməsi və seçkilər kimi demokratik proseslərdə süni intellekt sistemləri yüksək risk kateqoriyasında olacaq.Geniş çeşiddə fəaliyyət göstərə bilən böyük sistemlərə xüsusi qaydalar tətbiq ediləcək. 
Qanun təsdiqləndikdən sonra AB-nin Rəsmi Jurnalında dərc edildikdən 2 il sonra qüvvəyə minəcək.Yeni qanunla müxtəlif süni intellekt Google-un süni intellekt modeli Gemini və ChatGPT kimi texnologiyalar yeni qaydalara uyğun gəlməli olacaq.

Paylaş:

Kateqoriyalar

Eyni kateqoriyalı xəbərlər