23 noyabr 2024, şənbə Bakı, 13°C
IMG-LOGO
  • 23 noyabr 2024, şənbə 19:46:04 Bakı , 13°C
Ana səhifə Xəbərlər Ətraflı

Xəbər lenti:

ABB-nin dəstəyi ilə “Baku ID” innovasiya festivalı başlanıb

27-06-2024
IMG

ABB-nin baş sponsorluğu, “SABAH.HUB” İnnovasiya Mərkəzinin dəstəyi ilə Baku Crystal Hall-da “Baku ID” innovasiya festivalı başlanıb. Bu, Azərbaycanın və ümumən regionun əsas startap innovasiya tədbiridir. “Baku ID”nin baş sponsorları arasında ABB-dən başqa, Elm və Təhsil Nazirliyi, SOCAR, 4SİM, PAŞA Holding, Mappable və IDDA da var.

27-28 iyun tarixlərində keçirilən festival ölkəmizdə sayca üçüncü belə tədbirdir. Builki “Baku ID” tədbirinə 200-dən artıq yerli və xarici investor, 100-dən çox xarici və yerli startap, 5000 iştirakçı və 50-dən artıq tərəfdaş yer alıb. Tədbir çərçivəsində “Startup Wise Guys”, “White Hill Capital”, “Caucasus Ventures”, “MOST Ventures”, “Startupbootcamp”, "Aloqa Ventures" və “SABAH.fund” vençur fondlarının dəstəyi ilə startap fondu yaradılıb.

ABB-nin dəstəyi ilə startaplar tədbir zamanı "Startup Battle" konsepsiyası çərçivəsində yarışıb, 15.000 AZN qrant mükafatının da sahibi ola bilərlər. Tədbir boyunca startaplar investorlarla əlaqə qurmaq, öz ideyalarını təqdim etmək və potensial şəkildə investesiya əldə etmək üçün geniş imkanlar əldə edəcəklər.

“Baku ID” innovasiya festivalı fəaliyyət dövrü ərzində onlarla startapın inkişafına dəstək verib. Ümumilikdə isə startapların 1.7 milyon AZN-dən çox investisiya almasına nail olub.

Ölkəmizdə innovasiyalar ekosisteminin inkişafına dəstək verən ABB belə faydalı layihələrin dəstəklənməsinə sosial məsuliyyət proqramlarında xüsusi yer ayırır.

ABB-nin müasir, faydalı və universal məhsul və xidmətləri barədə məlumatları Bankın filial və şöbələrindən, https://abb-bank.az/ rəsmi internet səhifəsindən və ya 937 nömrəli Məlumat Mərkəzindən, həmçinin rəsmi Facebook səhifəsindən əldə etmək olar.

Paylaş:

Kateqoriyalar

Eyni kateqoriyalı xəbərlər