22 noyabr 2024, cümə Bakı, 14°C
IMG-LOGO
  • 22 noyabr 2024, cümə 02:31:17 Bakı , 14°C
Ana səhifə Xəbərlər Ətraflı

Xəbər lenti:

DSMF daha iki beynəlxalq mükafata layiq görülüb

23-04-2024

Əmək və Əhalinin Sosial Müdafiəsi Nazirliyinin tabeliyindəki Dövlət Sosial Müdafiə Fondu (DSMF) “Communitas” beynəlxalq təşkilatının (ABŞ) təşkil etdiyi “Communitas Awards” beynəlxalq müsabiqəsində uğur qazanıb.

Fhnews.az xəbər verir ki, Nazirliyin İctimaiyyətlə əlaqələr şöbəsindən  verilən məlumata görə, DSMF müsabiqəyə təqdim etdiyi "Azərbaycanda sosial ödənişlərin təyinatında müasir humanist yanaşma: İnsan yönümlü proaktiv təyinat mexanizmi" layihəsinə görə “Excellence Winner”, “Ünvanlı sosial yardımın təyinatı üçün maddi-məişət şəraitinin yoxlanmasının süni zəkaya əsaslanan həlli" layihəsinə görə isə “Leadership Winner” mükafatlarına layiq görülüb.

“Communitas”ın rəsmi səhifəsində yerləşdirilmiş xəritəyə əsasən, təşkilatın bu il verilən həmin mükafatlarına Avropa qitəsindən yalnız 3 təşkilat – Böyük Britaniyanın “Venari Partners” şirkəti (1 mükafat), Türkiyənin “Trendyol” şirkəti (1 mükafat), Azərbaycandan isə DSMF (2 mükafat) layiq görülüb.

Qeyd edək ki, “Communitas” mükafatları cəmiyyətlərin maddi və sosial rifahı naminə səy və resurslarını səfərbər edərək, bu sahədə səmərəli təşəbbüslər həyata keçirən təşkilatlardan ən uğurlu təcrübələri ilə seçilənlərə təqdim edilir.

Bu, 2024-cü ilin ilk dörd ayı ərzində Fondun layiq görüldüyü 14-cü mükafatdır.

Paylaş:

Kateqoriyalar

Eyni kateqoriyalı xəbərlər