22 noyabr 2024, cümə Bakı, 14°C
IMG-LOGO
  • 22 noyabr 2024, cümə 03:09:57 Bakı , 14°C
Ana səhifə Xəbərlər Ətraflı

Xəbər lenti:

Azərbaycanda küləyin sürətilə bağlı “sarı” və “narıncı” xəbərdarlıq edilib – SİYAHI

25-05-2024
IMG

Ekologiya və Təbii Sərvətlər Nazirliyinin Milli Hidrometeorologiya Xidməti küləyin sürətilə bağlı “sarı” və “narıncı” xəbərdarlıq edib.

Fhnews.az Xidmətə istinadla xəbər verir ki, “sarı” xəbərdarlıq Bakı, Sumqayıt, Mingəçevir, Şirvan və Naxçıvan şəhərlərini, o cümlədən, Abşeron, Salyan, Neftçala, Balakən, Zaqatala, Şəki, Yevlax, Bərdə, Gədəbəy, Daşkəsən, Babək və Şahbuz rayonlarını əhatə edib. Həmin ərazilərdə küləyin sürəti saniyədə 13,9-20,7 metr arasında dəyişəcək.

Narıncı xəbərdarlıq zonasına isə Gəncə şəhəri, o cümlədən Ağstafa, Qazax, Tovuz, Şəmkir, Samux, Göygöl, Goranboy, Culfa rayonları daxildir. Burada küləyin sürəti saniyədə 20,8-28,4 metrə qədər güclənəcək.

Qeyd edək ki, “Rəng xəbərdarlıq sistemi”ndə “sarı” xəbərdarlıq 7-8 balla qiymətləndirilir. “Sarı” xəbərdarlıq ictimai təhlükəsizliyə, yaşayış sahələrinə və əmlaka orta risk deməkdir. 9-10 balla qiymətləndirilən “narıncı” xəbərdarlıq isə ictimai təhlükəsizliyə, yaşayış sahələrinə və əmlaka yüksək risk olduğunun göstəricisidir.

Paylaş:

Kateqoriyalar

Eyni kateqoriyalı xəbərlər