25 noyabr 2024, bazar ertəsi Bakı, 11°C
IMG-LOGO
  • 25 noyabr 2024, bazar ertəsi 05:00:06 Bakı , 11°C
Ana səhifə Xəbərlər Ətraflı

Xəbər lenti:

Əzələ itkisinə təsir edən yeni genlər aşkar edilib

21-10-2024
IMG

Alimlər əzələ itkisinə səbəb olan yeni genlər aşkar ediblər. İsveç və İngiltərədə aparılan tədqiqatlar xüsusilə yaşlı insanlarda sarkopeniyanın müalicə üsullarına işıq salır. Süni intellektdən istifadə edərək təhlil edilən gen məlumatları USP54 geninin əzələ israfında mühüm rol oynadığını ortaya qoyub. Bu tapıntılar yaşlılarda əzələ kütləsini qorumaq üçün məşqə əsaslanan müdaxilələrin inkişafına kömək edə bilər.

İsveçdəki Karolinska Universiteti Xəstəxanası və İngiltərədəki Anglia Ruskin Universitetinin birgə araşdırması əzələ itkisini tətikləyən genlər haqqında yeni məlumatlar təqdim edir. Tədqiqatçılar sarkopeniyası olan yaşlı insanlar üçün bu proseslə əlaqədar müalicələrə təsir edə biləcək yeni tapıntılara sahib olduqlarını açıqlayıblar. 

Əzələ zəifliyi və sarkopeniyanın qarşısını almaq üçün tövsiyə olunan yeganə müalicə üsulu olaraq fiziki məşq önə çıxır. Tədqiqatda 21-43 və 63-79 yaş arası fərdlərin gen ifadə məlumatları təhlil edilib. Süni intellektdən istifadə edərək, qocalma və idmanla qarşılıqlı əlaqədə olan ilk 200 gen müəyyən edilib. Xüsusilə, USP54 geninin yaşlı insanlarda əzələ zəifləməsi və itkisində kritik rol oynadığı aşkar edilmişdir.

Nottingem Trent Universitetinin alimi Lívia Santos yaşlanma prosesinin təsirlərini gecikdirəcək genləri müəyyən etmək istədiklərini ifadə edərək bildirib ki, əzələ itkisi böyük bir problemdir. Bu, yıxılma riskini və fiziki qüsurların inkişaf ehtimalını artırır. 

Tədqiqatçı Janelle Tarum sarkopeniya araşdırmalarında süni intellektin potensialına diqqət çəkərək, yeni genlərin kəşf edilməsinin bu sahədəki araşdırmalara töhfə verəcəyini bildirib.Tədqiqatın nəticələri yaşlı fərdlərdə əzələ kütləsini qorumaq üçün daha şüurlu məşq müdaxilələrinin inkişafına kömək edə biləcək mühüm addım hesab olunur.

Paylaş:

Kateqoriyalar

Eyni kateqoriyalı xəbərlər