25 noyabr 2024, bazar ertəsi Bakı, 12°C
IMG-LOGO
  • 25 noyabr 2024, bazar ertəsi 02:16:33 Bakı , 12°C
Ana səhifə Xəbərlər Ətraflı

Xəbər lenti:

Çexiyada 3600 illik silah və zinət əşyaları tapılıb

02-08-2024
IMG

Çexiyadakı arxeoloqlar təxminən eramızdan əvvəl 1600-cü ilə aid basdırılmış silah və zərgərlik əşyaları tapıblar. Bu, Tunc dövründə Mərkəzi Avropada həyata daha çox işıq sala biləcək nadir tapıntıdır. 

Budyně nad Ohri şəhərində bir ərazini araşdıran tədqiqatçılar 8 balta və zinət əşyaları da daxil olmaqla 3600 il əvvələ aid bürünc əşyalar tapıblar.
Paytaxt Praqadan 40 km şimal-qərbdə yerləşən ərazi ilk dəfə bir il əvvəl arxeoloqlar tərəfindən metal detektordan istifadə edərək tapılıb.Sonralar silsilə qazıntılar zamanı tunc dövrünə aid 8 qol sarğı, eyni sayda balta, iki iynə və bir nizə ucu tapılıb.

Tədqiqatçıların fikrincə, artefaktlar qəsdən yerin altında basdırılmış kolleksiyanın bir hissəsidir və ilk tunc dövrünə aiddir. Deməli, ümumilikdə tapıntıların yaşı təxminən 3500 ildir. 

Eramızdan əvvəl 3300-cü ildən 1200-cü ilə qədər davam edən Tunc dövründə Avropada insanlar daşdan alət hazırlamaq əvəzinə qalay və misin əridilməsi və qarışdırılması nəticəsində əldə edilən bir ərinti olan tuncdan istifadə ediblər. 
Arxeoloji sübutlar göstərir ki, təxminən eramızdan əvvəl 1200-cü ilə qədər Tunc dövrü cəmiyyətlərinin əksəriyyəti, ehtimal ki, qarşıdurma səbəbindən dağılmış və tərk edilmişdir. Tunc dövrünün sonlarına doğru Avropa, Asiya və Afrikada cəmi bir neçə onillik ərzində bütün krallıqlar, imperiyalar, şəhərlər və cəmiyyətlər dağılıb.

Paylaş:

Kateqoriyalar

Eyni kateqoriyalı xəbərlər