25 noyabr 2024, bazar ertəsi
Bakı, 12°C
- 25 noyabr 2024, bazar ertəsi 00:10:17 Bakı , 12°C
Yeni bionik dəri tonlarla yanacağa qənaət edəcək
Alimlər delfinlərdən ilhamlanaraq gəmi pərvanələrinə bərkidilə bilən bionik dəri hazırlayıblar. Çinli tədqiqatçılar ixtiranın böyük bir tankerə ildə 300 ton yanacağa qənaət etməyə imkan verəcəyini deyirlər.
Delfinlər suda üzərkən dərilərində əmələ gələn selik yağlanma təmin edir və su axınının kinetik enerjisini minimuma endirir. Eyni zamanda, yüksək sürətlə hərəkət etdikləri üçün dəriləri çox nazik bir turbulentlik təbəqəsi yaradır. Demək olar ki, heç bir sürtünmə yaratmayan təbəqə sayəsində heyvan sözün əsl mənasında suda sürüşür.
Laminar axın adlanan bu mexanizm su və hava nəqliyyatında istifadə olunur. Çindəki Ninqbo Material Texnologiyaları və Mühəndisliyi İnstitutu gəmiçilik şirkəti “COSCO Shipping Energy Transportation” ilə əməkdaşlıq edərək gəmi pərvanələrində istifadə üçün oxşar texnologiya hazırlayıb.
Tədqiqatçılar delfinlərdən ilhamlanan yeni bionik dərinin maye kimi dinamikaya malik interfasial materiallardan və 0,1-0,2 millimetr elastik materiallardan ibarət olduğunu bildirirlər. Gəmilərdə istifadə edilən normal pərvanələrə bərkidilmiş dəri su ilə pərvanə arasında kəsmə qüvvəsini azaldaraq səmərəliliyi artırır. Su ilə gərginliyi azalan pərvanə daha az enerji sərf edir.
Alimlər həmçinin bionik dəri ilə örtülmüş pərvanənin tək bir avtomobilin illik karbon qazı emissiyasını 900 ton azaldacağına ümid edirlər.
Pərvanəyə quraşdırılmasının 20 min dollara başa gəldiyi deyilən yeni texnologiyanın ildə 140 min dollar qənaət edəcəyi də iddia edilir.
“Bert” fırtınası İngiltərədə həyatı...
2250 illik kanalizasiya sistemi tapılıb...
Mozaika lövhəsindəki şifrə...
Alimlər sürətlə inkişaf edən ekzoplanet...
Çilidə 5,3 bal gücündə zəlzələ baş verib...
