25 noyabr 2024, bazar ertəsi Bakı, 12°C
IMG-LOGO
  • 25 noyabr 2024, bazar ertəsi 01:06:38 Bakı , 12°C
Ana səhifə Xəbərlər Ətraflı

Xəbər lenti:

İraqda Herakl və Makedoniyalı İskəndərlə bağlı məbəd kəşf edilib

23-12-2023

İraqın qədim Girsu şəhərində biri Herakl, digəri Makedoniyalı İskəndərlə bağlı olan üst-üstə basdırılmış iki məbəd aşkar edilib. Helenistik məbədin eramızdan əvvəl 4-cü əsrə aid olduğu və Makedoniyalı İskəndərlə əlaqəsi olduğu ehtimal edilir.  

Məbəddə yunan yazıları olan bişmiş kərpic də tapılıb. Bu yazının eramızdan əvvəl 336-cı ildən eramızdan əvvəl 323-cü ilə qədər olan 13 illik hakimiyyəti dövründə dünyanın əksər hissəsini fəth edən Makedoniyalı İskəndərə aid olduğu ehtimal edilir. 

Britaniya Muzeyinin arxeoloqları bu məbədi  İraqın cənub-şərqində, bu gün Tello kimi tanınan Şumer şəhəri Girsuda aparılan qazıntılar zamanı aşkar ediblər. Qazıntılar muzeyin rəhbərlik etdiyi və şəhərin tarixini daha çox öyrənməyə yönəlmiş Girsu Layihəsi çərçivəsində aparılıb. Qazıntıya rəhbərlik edən Britaniya Muzeyinin arxeoloqu Sebastien Reyin sözlərinə görə, qədim Şumer məbədinin xarabalıqları yunan tanrısı Herakla və onun şumer tanrısına həsr olunmuş yeni tikili ilə eyni yerdə basdırılmış vəziyyətdə tapılıb. 

Tədqiqatçılar 1500 il əvvəl məbədin olduğu yerdə başqa bir məbədin inşa edilməsinin təsadüf olmadığını və bu ərazinin Mesopotamiya xalqı üçün əhəmiyyətli olduğunu söyləyirlər.Bu onu göstərir ki, eramızdan əvvəl 4-cü əsrdə Babildə yaşayanlar öz tarixləri haqqında geniş biliyə malik olublar. Arxeoloqlar ikili məbədin ərazisini araşdırarkən qurbangahın və ya məbədin altında basdırılmış gümüş draxma, qədim yunan sikkəsi, həmçinin üzərində iki qardaş yazısı olan kərpic də aşkar ediblər.

Etiketlər:
Xəbərlər
Paylaş:

Kateqoriyalar

Eyni kateqoriyalı xəbərlər