25 noyabr 2024, bazar ertəsi Bakı, 12°C
IMG-LOGO
  • 25 noyabr 2024, bazar ertəsi 00:11:56 Bakı , 12°C
Ana səhifə Xəbərlər Ətraflı

Xəbər lenti:

FHN-in Xüsusi Riskli Xilasetmə Xidmətində komanda-qərargah təlimi keçirilib

26-08-2024
IMG

Fövqəladə Hallar Nazirliyinin Xüsusi Riskli Xilasetmə Xidməti tərəfindən fövqəladə hal zonasında axtarış və qəza-xilasetmə işlərinin təşkil edilməsi, fövqəladə halların nəticələrinin aradan qaldırılması zamanı qüvvə və vasitələrin idarə edilməsi, əməliyyat qərarlarının verilməsi sahəsində bilik və bacarıqların təkmilləşdirilməsi məqsədilə komanda-qərargah təlimi keçirilib.

Belə ki, Nazirliyin “112” qaynar telefon xətti vasitəsilə şərti olaraq Xüsusi Riskli Xilasetmə Xidmətinin əməliyyat növbətçi hissəsinə Goranboy rayonunda 6 bal gücündə “zəlzələ baş verməsi, köhnə tikililərin və kommunikasiya xətlərinin dağıntılara və digər fəsadlara məruz qalması” barədə məlumat daxil olub.

“Məlumat”la əlaqədar Xidmətin müvafiq xilasetmə qüvvələrinin dərhal hazırlıq vəziyyətinə gətirilərək “hadisə zonasına yürüşü” təşkil edilib, həyata keçirilən operativ tədbirlər sayəsində “həyati təhlükə ilə üzləşmiş vətəndaşlar xilas edilib, dağıntılar altında qalmış cəsədlər tapılaraq aidiyyəti üzrə təhvil verilib”, həmçinin “evsiz qalmış vətəndaşların təhlükəsiz ərazilərə köçürülməsi təmin edilib”.

Təlim zamanı diqqət əməkdaşların baş verən fövqəladə hal zamanı vəziyyətin çevik təhlili, operativ qərarvermə, qəza-xilasetmə qüvvələrinin koordinasiyası və tətbiqi üzrə təcrübələrinin təkmilləşdirilməsinə yönəldilib.

Uğurla keçirilən təlimdən sonra nəticələr müzakirə edilib, müvafiq tapşırıqlar verilib.

Paylaş:

Kateqoriyalar

Eyni kateqoriyalı xəbərlər