25 noyabr 2024, bazar ertəsi Bakı, 12°C
IMG-LOGO
  • 25 noyabr 2024, bazar ertəsi 02:00:15 Bakı , 12°C
Ana səhifə Xəbərlər Ətraflı

Xəbər lenti:

ABŞ-da vertalyotun radio qülləsinə çırpılması ölümə səbəb olub

21-10-2024
IMG

ABŞ-da vertalyotun radio qülləsinə çırpılması nəticəsində biri uşaq olmaqla 4 nəfər ölüb. Qəza ilə bağlı araşdırmalara başlanıldığı açıqlanıb.

Hadisə yerli vaxtla saat 19.51 radələrində ABŞ-nın Texas ştatının Hyuston şəhərində baş verib. “Robinson R44”  tipli özəl tur vertalyotu radio qülləsinə çırpılıb. Qəzada radio qülləsi çökərkən, helikopter yerə çırpılıb. Qəzadan sonra başlayan yanğını söndürmək üçün əraziyə yanğınsöndürənlər göndərilib. Polisdən verilən açıqlamada qəzada biri uşaq olmaqla 4 nəfərin öldüyü bildirilib.

Hyuston Bələdiyyə Başçısı John Whitmire verdiyi açıqlamada yanğından bir neçə dəqiqə sonra yanğınsöndürmə qrupunun hadisə yerinə gəldiyini və qəza səbəbindən bölgədə elektrik kəsilməsinin olduğunu bildirib.

Vertalyotun hadisə yerindən təxminən 15 dəqiqəlik məsafədə yerləşən Ellinqton Fielddə uçuş-enmə zolağından havaya qalxdığı və qəza ilə bağlı yerli hakimiyyət orqanları, Milli Nəqliyyat Təhlükəsizliyi Şurası və  Federal Aviasiya Administrasiyası tərəfindən araşdırmaya başlanıldığı bildirilib.

Paylaş:

Kateqoriyalar

Eyni kateqoriyalı xəbərlər