1 aprel 2025, çərşənbə axşamı Bakı, 15°C
IMG-LOGO
  • 1 aprel 2025, çərşənbə axşamı 03:33:40 Bakı , 15°C
Ana səhifə Xəbərlər Ətraflı

Xəbər lenti:

Baş Dövlət Yol Polisi İdarəsi səfərdən qayıdan yol hərəkəti iştirakçılarına müraciət edib

29-03-2025
IMG

Bayram tətilində ayrı-ayrı bölgələrə səfər etmiş əhalinin daimi yaşayış yerlərinə qayıtması ilə əlaqədar magistral yollarda hərəkət intensivliyinin artması müşahidə olunur.

Fhnews.az xəbər verir ki, bu barədə Baş Dövlət Yol Polisi İdarəsinin səfərdən qayıdan yol hərəkəti iştirakçılarına müraciətində bildirilir.

“Baş Dövlət Yol Polisi İdarəsi Novruz şənliklərinin arzuolunmaz hadisələr fonunda bitməməsi üçün yol hərəkəti iştirakçılarına müraciət edərək onlardan təhlükəsizlik qaydalarına əməl etməyi, sürücülərdən yorğun, yuxusuz halda sükan arxasına əyləşməməyi, sərnişinlərdən isə belə hallara qarşı biganə qalmamağı xahiş edir.

Xüsusilə sürücüləri yola çıxmazdan əvvəl nəqliyyat vasitələrinin texniki sazlığına diqqət yetirməyə, yol və hava şəraitini düzgün qiymətləndirməyə, yolboyu ötmə və manevretmə qaydalarına, sürət rejiminə ciddi əməl etməyə çağırırıq.

Xatırladırıq ki, uzaq məsafə qət edən sürücü və sərnişinlər qısamüddətli istirahət üçün DYP-nin respublika əhəmiyyətli avtomobil yollarında yerləşən stasionar postlarında yaradılmış şəraitdən istifadə edə bilərlər”, - deyə müraciətdə qeyd olunub.

Paylaş:

Kateqoriyalar

Eyni kateqoriyalı xəbərlər