13 may 2025, çərşənbə axşamı Bakı, 18°C
IMG-LOGO
  • 13 may 2025, çərşənbə axşamı 08:12:09 Bakı , 18°C
Ana səhifə Xəbərlər Ətraflı

Xəbər lenti:

Neftçalada su hövzələrində təhlükəsizlik məsələləri müzakirə olunub

05-06-2024
IMG

Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidməti ilə FHN-in Muğan Regional Mərkəzi Neftçala rayonunda “Su hövzələrində təhlükəsizliyin təmin olunması” mövzusunda birgə müşavirə keçiriblər.

Müşavirədə Neftçala Rayon İcra Hakimiyyətinin və inzibati ərazi dairəsi üzrə nümayəndəliklərin, bələdiyyələrin, çimərlik operatorlarının, polis şöbəsinin, təcili tibbi yardım stansiyasının, gigiyena və epidemiologiya mərkəzinin və digər aidiyyəti qurumların məsul şəxsləri iştirak edib.

Tədbirdə sözügedən rayonda Xəzər dənizinin sahilində keçirilən monitorinqlərin nəticələri barədə məlumat verilib, aşkar olunmuş nöqsanlar fotoslaydlarla nümayiş olunaraq onların aradan qaldırılması yolları geniş müzakirə edilib.

Müşavirədə çıxış edənlər, həmçinin yay mövsümündə çimərliklərdə vətəndaşların təhlükəsizliyinin təmin olunması qaydaları, maarifləndirmə işinin vəziyyəti, ölkə ərazisindəki su hövzələrində həyata keçirilmiş aidiyyəti təhlükəsizlik tədbirləri ilə bağlı məlumatlar veriblər.

Paylaş:

Kateqoriyalar

Eyni kateqoriyalı xəbərlər