22 noyabr 2024, cümə Bakı, 14°C
IMG-LOGO
  • 22 noyabr 2024, cümə 02:21:23 Bakı , 14°C
Ana səhifə Xəbərlər Ətraflı

Xəbər lenti:

FHN tərəfindən “PROHIS” adlı jurnalın ilk buraxılışı nəşr olunub

29-01-2024

FHN-in Sənayedə İşlərin Təhlükəsiz Görülməsi və Dağ-Mədən Nəzarəti Dövlət Agentliyinin Azərbaycan Dövlət Əməyin Mühafizəsi və Təhlükəsizlik Texnikası Elmi-Tədqiqat İnstitutu tərəfindən elmi ixtiraların reallaşmasında və analitik informasiyaların paylaşılmasında əhəmiyyətli rol oynayacaq “PROHIS” jurnalın ilk buraxılışı nəşr olunub.

“PROHIS” sənayedə təhlükəsizliyin bütün aspektlərini özündə birləşdirən, əməyin mühafizəsi və elmin müxtəlif sahələri üzrə araşdırmalar, təhlillər və məqalələr toplusudur.

Jurnal qeyd olunan sahələr üzrə araşdırmalar aparan tədqiqatçılara, alim, doktorant və magistrantlara öz elmi fikir, mülahizə və qənaətlərini geniş oxucu auditoriyası ilə bölüşmək imkanı yaradan bir platforma olacaqdır.

Həmçinin, oxucular yüksək hazırlıqlı və peşəkar mütəxəssislərin köməyi ilə sənayə və istehsalatda olan problemlərdən, onların həlli yollarından xəbər tutmaq, müvafiq sahədə mövcud qanunvericiliyin tətbiqi praktikası barədə dolğun məlumat almaq imkanı qazanacaq.

Qeyd edək ki, “PROHIS” jurnalı Estoniya Respublikasında qeydiyyatdan keçmiş və iki böyük elmmetrik bazalarda (GrossRef və Open Journal Systems) qərarlaşmışdır.

Jurnalın redaksiya heyətinə Azərbaycan, Almaniya, Türkiyə, Ukrayna və Gürcüstanın müvafiq sahə üzrə tanınmış alimləri və mütəxəssisləri daxildir.

Paylaş:

Kateqoriyalar

Eyni kateqoriyalı xəbərlər