6 aprel 2025, bazar Bakı, 15°C
IMG-LOGO
  • 6 aprel 2025, bazar 05:26:27 Bakı , 15°C
Ana səhifə Xəbərlər Ətraflı

Xəbər lenti:

Giza Piramidaları haqqında yeni iddia

05-04-2025
IMG

İtalyan tədqiqatçılarının fikrincə, Giza piramidalarının altında kəşf edilən yeraltı şəhərdə tarixi yenidən yaza biləcək itirilmiş sivilizasiyanın izləri ola bilər. Misirdə Giza piramidalarının altında kəşf edildiyi iddia edilən yeraltı otaqlar və tunellər qədim sivilizasiyalar haqqında bilinənləri alt-üst edə bilər.
“Daily Mail”in xəbərində görə, italyan tədqiqatçılar Giza kompleksinin, eləcə də Xefren ehramlarının dərinliklərində tapdıqları quyuların və otaqların 38 min il yaşı olduğunu iddia ediblər.

Xeops,  Xefren  və Mikerin piramidalarının yerləşdiyi Giza Kompleksinin təxminən 4500 il əvvəl tikildiyi qəbul edilir. Lakin italyan tədqiqatçılar bu tikililərin 38 min illik sivilizasiyaya aid olduğunu iddia edirlər. Tədqiqatçılar iddia edirlər ki, bu sivilizasiya asteroidin zərbəsi nəticəsində məhv olub və qalanlar yalnız meqastruktur piramidaları olub.
Tədqiqat qrupundan Alfredo Mei bildirir ki, piramidanın divarlarında su eroziyası izləri və içərisində sıx duz qabıqları aşkar edilib. Bu tapıntılar bölgənin bir müddət okeanın altında qaldığını göstərir. Həmçinin 2-4 min fut dərinlikdə yerləşən şaxtalar və otaq tipli tikililərin yerin altında gizlənmiş qədim şəhərə aid ola biləcəyi də hesab edilir.

Tədqiqatçılar bu yeraltı tikililərin qədim Misir əfsanələrində Amenti şəhəri və ya Rekordlar Zalı ilə əlaqəli ola biləcəyini düşünürlər. Arxeoloqlar və radar mütəxəssisləri bu cür iddiaların elmi jurnallarda dərc edilmədiyini və istifadə edilən metodların təsdiqlənmədiyini vurğulayırlar. Denver Universitetindən professor Lavrence Conyers 38 min il əvvəl insanların mağaralarda yaşadığını və bu tip mühəndisliyin mümkün olmadığını bildirir.

Alimlər nəhəng qranit bloklarını ibtidai alətlərlə yerindən tərpətməyin və yerləşdirməyin mümkün olmadığını, ona görə də daha tutarlı elmi izahlara ehtiyac olduğunu bildirsələr də, tədqiqatçılar təkcə qədim mətnlərə deyil, həm də fiziki tapıntılara əsaslanaraq bu naməlum şəhərin varlığına daha çox dəlil gətirməyi planlaşdırırlar.

Paylaş:

Kateqoriyalar

Eyni kateqoriyalı xəbərlər