6 aprel 2025, bazar Bakı, 13°C
IMG-LOGO
  • 6 aprel 2025, bazar 02:12:43 Bakı , 13°C
Ana səhifə Xəbərlər Ətraflı

Xəbər lenti:

Milli Xalça Muzeyində “Gələcəkdə nə geyinəcəyik?” sərgisi açılacaq

05-04-2025
IMG

Aprelin 9-da Azərbaycan Milli Xalça Muzeyində Macarıstanın sədrliyi ilə Mərkəzi Avropa Mədəniyyət Platforması tərəfindən “Gələcəkdə nə geyinəcəyik?” sərgisi açılacaq.

Muzeydən bildirilib ki, aprelin 13-dək davam edəcək sərgidə Mərkəzi Avropa Mədəniyyət Platformasına üzv ölkələrin (Avstriya, Çexiya, Macarıstan, Slovakiya), həmçinin Azərbaycanın modelyer-dizaynerlərinin əl işləri nümayiş olunacaq.

Birgə sərgidə moda və dizayn sahəsində təhsil alan 28 istedadlı tələbənin müxtəlif texnikalarda, təkrar emal olunmuş və təbii materiallardan hazırladıqları unikal geyimlər yer alacaq. Müəlliflər bu geyimlərlə biomaterialların, tekstilin transformasiya potensialını göstərir, ənənəvi tullantı anlayışına qarşı çıxırlar. Onlar müasir dizaynda orijinallıq, intuisiya, müstəqil düşüncə və tənqidi təfəkkürün rolunu, həmçinin təkrar emalı artırmaqla moda sənayesinin ətraf mühitə mənfi təsirlərini azaltmağın mümkünlüyünü diqqətə çatdırırlar.

Dayanıqlılıq və moda arasındakı əlaqəni araşdıran, müxtəlif yanaşma və həll yolları təqdim edən layihə Mərkəzi Avropa Mədəniyyət Platforması, Macarıstanın ölkəmizdəki səfirliyi və Azərbaycan Milli Xalça Muzeyinin təşkilatçılığı ilə baş tutacaq.

Paylaş:

Kateqoriyalar

Eyni kateqoriyalı xəbərlər