6 aprel 2025, bazar Bakı, 14°C
IMG-LOGO
  • 6 aprel 2025, bazar 03:41:37 Bakı , 14°C
Ana səhifə Xəbərlər Ətraflı

Xəbər lenti:

Baş Dövlət Yol Polisi İdarəsi həftəsonu ilə bağlı hərəkət iştirakçılarına müraciət edib

05-04-2025
IMG

Həftə sonlarında əhalinin istirahət məkanlarına üz tutması, ailəvi ziyarətlərin və müxtəlif kütləvi tədbirlərin sayının artması ilə əlaqədar olaraq respublika yollarında nəqliyyat vasitələrinin hərəkət intensivliyində ciddi artım müşahidə olunur.

Fhnews.az xəbər verir ki, bununla bağlı Baş Dövlət Yol Polisi İdarəsinin həftəsonu ilə bağlı hərəkət iştirakçılarına müraciətində bildirilir:

“Bu halda, yol hərəkəti qaydalarına riayət edilməməsi və diqqətsizlik qəza riskini əhəmiyyətli dərəcədə artırır. Baş Dövlət Yol Polisi İdarəsi vətəndaşların təhlükəsizliyinin təmin olunması məqsədilə sürücülərə və piyadalara müraciət edərək, hər kəsi diqqətli olmağa və qaydalara ciddi şəkildə riayət etməyə çağırır. Sürücülərdən nəqliyyat vasitəsinin texniki sazlığını yoxlamadan yola çıxmamaq, sürət həddinə ciddi əməl edərək və ara məsafəsini qorumaq, piyada keçidlərinə yaxınlaşdıqda sürəti azaldıb və piyadalara üstünlük vermələri, sükan arxasında diqqəti yayındıran hərəkətlərə, xüsusilə mobil telefondan istifadə etməyə yol verməmələri xahiş olunur.

Piyadalara yolu yalnız müəyyən edilmiş keçidlərdən istifadə edərək keçmək, mobil telefondan və qulaqlıqlardan istifadə etməkdən çəkinmək, yolun hərəkət hissəsini keçərkən sürücülərlə göz təması yaradaraq hərəkətin təhlükəsizliyinə əmin olmaq tövsiyə olunur.

Qəzaların qarşısını almaq üçün hər bir hərəkət iştirakçısından maksimal dərəcədə diqqət və məsuliyyət tələb olunur”, - deyə müraciətdə qeyd edilib.

Paylaş:

Kateqoriyalar

Eyni kateqoriyalı xəbərlər