6 aprel 2025, bazar Bakı, 13°C
IMG-LOGO
  • 6 aprel 2025, bazar 02:30:31 Bakı , 13°C
Ana səhifə Xəbərlər Ətraflı

Xəbər lenti:

FHN-in regional mərkəzlərində silsilə mülki müdafiə kursları keçirilib

05-04-2025
IMG

Fövqəladə Hallar Nazirliyinin regional mərkəzləri tərəfindən “2025-ci il üçün Mülki müdafiə kurslarının dinləyicilərlə komplektləşdirmə planları”na əsasən silsilə mülki müdafiə kursları keçirilib.

Belə ki, Gəncə Regional Mərkəzi tərəfindən “Təlim-tərbiyə işləri üzrə direktor müavinləri”, Qarabağ Regional Mərkəzi tərəfindən “Gənclərin çağırışaqədərki hazırlığı üzrə rəhbərlər” və “Yanğınsöndürmə manqalarının komandirləri”, Muğan Regional Mərkəzi tərəfindən “Kəşfiyyat manqasının komandirləri”, “Rabitə manqasının komandirləri” və “Xilasetmə manqasının komandirləri”, Aran Regional Mərkəzi tərəfindən “İnzibati ərazi dairələri üzrə nümayəndələr”, Cənub Regional Mərkəzi tərəfindən “Yanğınsöndürmə manqalarının komandirləri”, Şimal-qərb Regional Mərkəzi tərəfindən “İnzibati ərazi dairəsi üzrə nümayəndələr” kateqoriyaları üzrə mülki müdafiə kursları keçirilib.

Kursların keçirilməsində əsas məqsəd mülki müdafiə sahəsində maarifləndirmə işinin aparılması, fərdi və kollektiv mühafizə vasitələrindən, ilkin yanğınsöndürmə alət və avadanlıqlarından istifadə qaydalarının öyrədilməsi, eləcə də kurs iştirakçılarının mülki müdafiə qüvvə və vasitələrinin idarə edilməsi üzrə bacarıqlarının təkmilləşdirilməsi olub.

Kurslarda kollektiv mühafizə vasitələrindən istifadə, təxliyə planlarının düzgün hazırlanması, təbii və texnogen xarakterli fövqəladə hadisələr zamanı düzgün davranış, xilasetmə alət və avadanlıqlarından istifadə qaydaları izah edilib, həmçinin mövzulara dair fotoslayd və videoçarxlar nümayiş etdirilib.

Kursların yüksək səviyyədə keçirilməsi üçün FHN-in digər qurumlarının yerli struktur bölmələrinin əməkdaşları da tədris prosesində iştirak ediblər.

Sonda kursları müvəffəqiyyətlə başa vurmuş dinləyicilərə şəhadətnamələr təqdim edilib.

Paylaş:

Kateqoriyalar

Eyni kateqoriyalı xəbərlər