FHN Xəbərlər | İctimai-siyasi onlayn qəzet

Avropa Kosmik Agentliyi, NASA və Kanada Kosmik Agentliyinin birgə layihəsi olan Ceyms Uebb Kosmik Teleskopu kainatın dərinliklərindən füsunkar görüntü təqdim edib. Ayın eninin yalnız beşdə biri olan səma parçasına fokuslanaraq, teleskop 12 milyard işıq ili uzaqlıqdakı minlərlə qalaktikanı bir kadrda çəkib. Görüntü ilk baxışda gecə səmasında ulduzlara baxmaq kimi təəssürat yaradır, lakin işıq nöqtələrinin böyük əksəriyyəti ulduzlar deyil, müxtəlif ölçülü və formalı qalaktikalardır.

Bu qalaktikalar kainatın yaranmasından bu yana 13,8 milyard ili əhatə edən keçmişə bir pəncərə təqdim edir.Teleskopun xarakterik işıq difraksiyası sayəsində təsvirdə yalnız bir neçə ön planda olan ulduzları ayırd etmək olar. Bütün digər işıq mənbələri qalaktikalara aiddir.

Şəkil mərkəzinin yaxınlığında qızılı sarı rəngdə parlayan qalaktikalar çoxluğu diqqəti çəkir. Bu qrupdan gələn işıq Yerə çatmaq üçün təxminən 6,5 milyard il yol keçib.

Beləliklə, biz bu qalaktikalara baxdıqda, kainatın demək olar ki, yaşının yarısına çatdığına şahid oluruq.

JWST tərəfindən əldə edilən məlumatlar kainatın quruluşunu öyrənən “COSMOS-Web” adlı beynəlxalq tədqiqat layihəsi çərçivəsində toplanıb. Bu layihə qalaktika klasterlərinin əmələ gəlməsini və onların kainatda paylanmasını anlamaq məqsədi daşıyır.

Çandra X-ray Rəsədxanasının məlumatları ilə birləşdirilən şəkillər, bu klasterin bu çərçivədəki ən böyük qalaktika qrupu olduğunu göstərir.

Bolonya Universitetindən astrofizik Qreta Toninin rəhbərlik etdiyi tədqiqat qrupu təkcə bu kiçik səma hissəsində 1678 fərqli qalaktika qrupu aşkar edib. Bunlar fərdi qalaktikalar deyil.Bu, hər birində yüzlərlə qalaktikadan ibarət nəhəng strukturlar deməkdir.Üstəlik, bu bölgə səmanın xüsusi bir hissəsi deyil. Mütəxəssislərin fikrincə, eyni dəqiqliklə səmanın başqa hər hansı bir hissəsinə baxsanız, yenə də minlərlə qalaktikanı görə biləcəksiniz.

Məlumdur ki, qalaktikalar bütün kainatda təsadüfi yayılmayıb, əksinə qaranlıq maddə və hidrogenin görünməz şəbəkəsi ilə birləşən çoxluqlar əmələ gətirir. Astronomlar bu cür görüntülərin kainatdakı yerimizi və miqyamızı xatırlatmaq baxımından təəccüblü təsir yaratdığını vurğulayırlar.