26 aprel 2025, şənbə Bakı, 20°C
IMG-LOGO
  • 26 aprel 2025, şənbə 11:29:01 Bakı , 20°C
Ana səhifə Xəbərlər Ətraflı

Xəbər lenti:

İctimai sektor üçün beynəlxalq standartlara əsasən mühasibat uçotunun aparılması qaydalarının təqdimatı olub

25-04-2025
IMG

Maliyyə Nazirliyinin və Azərbaycan Sertifikatlaşdırılmış Mühasiblər Assosiasiyasının birgə təşkilatçılığı ilə “İctimai Sektor üçün Mühasibat Uçotunun Beynəlxalq Standartlarına əsasən mühasibat uçotunun aparılması qaydaları”nın təqdimatı ilə bağlı tədbir keçirilib.

Nazirlikdən bildirilib ki, tədbirdə çıxış edən maliyyə nazirinin müavini Azər Bayramov bildirib ki, bu qaydalar ictimai sektor üçün mühasibat uçotunun beynəlxalq standartlarındakı dəyişiklikləri, habelə aktiv, öhdəlik, kapital, gəlir və xərc maddələri üzrə həmin standartlarla müəyyən edilmiş tələbləri özündə əks etdirir.

Maliyyə Nazirliyinin əməkdaşları və Azərbaycan Sertifikatlaşdırılmış Mühasiblər Assosiasiyasının üzvləri tədbirdə “İctimai Sektor üçün Mühasibat Uçotunun Beynəlxalq Standartlarına əsasən mühasibat uçotunun aparılması qaydaları”na əsasən yeni hesablar planına uyğun mühasibat uçotunun aparılmasında müasir yanaşmalar və maliyyə hesabatlarının tərtibi ilə bağlı təqdimatlarla çıxışlar ediblər.

Tədbirdə 127 büdcə təşkilatının mühasibat uçotu sahəsində çalışan 153 nəfər əməkdaşı iştirak edib.

Qeyd edək ki, “İctimai Sektor üçün Mühasibat Uçotunun Beynəlxalq Standartlarına əsasən mühasibat uçotunun aparılması qaydaları” Azərbaycan Respublikası Maliyyə Nazirliyinin 27 dekabr 2024-cü il tarixli Kollegiya Qərarı ilə təsdiq edilib.

Paylaş:

Kateqoriyalar

Eyni kateqoriyalı xəbərlər