12 mart 2025, çərşənbə Bakı, 5°C
IMG-LOGO
  • 12 mart 2025, çərşənbə 08:22:47 Bakı , 5°C
Ana səhifə Xəbərlər Ətraflı

Xəbər lenti:

İkinci Dünya Müharibəsində  Braziliya donanmasına məxsus gəmi 80 ildən sonra üzə çıxıb

08-02-2025
IMG

II. İkinci Dünya Müharibəsində Almaniyaya məxsus sualtı qayıq tərəfindən batırılan Braziliya donanmasına məxsus "Vital de Oliveira" gəmisinin qalıqları 80 ildən sonra Rio-de-Janeyro sahillərində aşkar edilib. Bir balıqçının kömək çağırışı ilə başlayan araşdırma, qabaqcıl texnologiya ilə dəstəklənərək tarixi gəmini gün üzünə çıxarıb. 1944-cü ildə alman sualtı gəmisinin hücumu nəticəsində batan gəmidə 270 nəfər olub və onlardan 100-dən çoxu həyatını itirib.

2011-ci ildə bir balıqçı Rio-de-Janeyro sahillərində olarkən tor dənizin dibinə ilişib. Braziliya Hərbi Dəniz Qüvvələri xəbərdar edilib. Dalğıcların dəniz dibində top tapması ilə başlayan araşdırmalar, illərdir davam edən ətraflı araşdırmalardan sonra yekunlaşıb.

Braziliya Hərbi Dəniz Qüvvələri qəzanın yeri və vəziyyəti haqqında toplanan məlumatlar vasitəsilə gəminin kimliyini təsdiqləyib. İstifadə olunan qabaqcıl avadanlıq gəminin gövdəsini görünməmiş detallarla təsvir etməyə imkan verib.

1931-ci ildə Braziliya Hərbi Dəniz Qüvvələrinə daxil olan Vital de Oliveyra İkinci Dünya Müharibəsi zamanı hərbi personalın və təchizatların daşınması üçün istifadə edilmişdir. 1942-ci ildə Braziliya Almaniya, İtaliya və Yaponiyaya müharibə elan etdikdən sonra o, aktiv döyüş bölgələrində kritik vəzifələr görür. Lakin 1944-cü ildə gecə yarısı torpedo hücumu ilə batırılır.

Dağıntıların aşkarlanması çox şüalı əks-səda ölçmə cihazı və yan-skan sonar texnologiyaları vasitəsilə həyata keçirilib. Bu üsullarla dəniz dibinin təfərrüatlı xəritələri yaradılıb və gəminin struktur bütövlüyünün təəccüblü təsvirləri alınıb. Əldə edilən məlumatlarla batmış gəminin üçölçülü modelləri yaradılacaq.Bu modellər gəminin hazırkı struktur vəziyyəti və onun dəniz dibi ilə qarşılıqlı əlaqəsi haqqında ətraflı təhlillər aparmağa imkan verəcək.

Uzaqdan idarə olunan sualtı maşınlardan (ROV) hadisə yerində əlavə araşdırmalar aparmaq üçün də istifadə olunacaq.

Paylaş:

Kateqoriyalar

Eyni kateqoriyalı xəbərlər