23 noyabr 2024, şənbə Bakı, 13°C
IMG-LOGO
  • 23 noyabr 2024, şənbə 20:12:03 Bakı , 13°C
Ana səhifə Xəbərlər Ətraflı

Xəbər lenti:

Türkiyənin Kənd Təsərrüfatı və Meşəçilik Nazirliyinin nümayəndə heyəti AQTİ-də olub

24-07-2024
IMG

Azərbaycan Qida Təhlükəsizliyi İnstitutunda (AQTİ) Türkiyənin Kənd Təsərrüfatı və Meşəçilik Nazirliyinin nümayəndə heyəti ilə görüş keçirilib.

Fhnews.az xəbər verir ki, İnstitutdan verilən məlumata görə, görüşdə AQTİ-nin Analitik Ekspertiza Mərkəzinin rəhbəri Tünzalə Qocayeva qonaqlara laboratoriyaların maddi-texniki bazası, kadr potensialı, beynəlxalq təşkilatlarla əməkdaşlığı haqqında geniş məlumat verib.

Görüşdə qeyd olunub ki, ölkəmizdə qida təhlükəsizliyinin təmin edilməsi və əhalinin sağlamlığının qorunması məqsədilə Bakı şəhəri və regionlarda beynəlxalq standartlara cavab verən müasir laboratoriyalar fəaliyyət göstərir. Analitik Ekspertiza Mərkəzinin nəzdində fəaliyyət göstərən laboratoriyalarda idxal, ixrac və ölkədə istehsal olunan qida məhsullarının təhlükəsizlik və keyfiyyət göstəriciləri üzrə, baytar-sanitar və fitosanitar təhlükəsizliyin təmin edilməsi məqsədilə müxtəlif müayinələr həyata keçirilir.

AQTİ-nin laboratoriyalarında beynəlxalq standartlara uyğun metodlarla aparılan müayinələrin nəticələrinin dünyanın qabaqcıl ölkələrinin laboratoriyaları ilə uyğunluq təşkil etdiyi nümayəndə heyətinin diqqətinə çatdırılıb.

Görüşdən sonra qonaqlar AQTİ-nin laboratoriyaları ilə tanış olublar. Onlar institutun Mərkəzləşmiş nümunə qəbulu məntəqəsi, Kompleks tədqiqatlar laboratoriyası və Milli referens laboratoriyasındakı bölmələrə baş çəkib, sınaqların aparılması prosesini izləyib, cihaz və avadanlıqlara baxıblar.

Paylaş:

Kateqoriyalar

Eyni kateqoriyalı xəbərlər