23 noyabr 2024, şənbə Bakı, 13°C
IMG-LOGO
  • 23 noyabr 2024, şənbə 20:12:04 Bakı , 13°C
Ana səhifə Xəbərlər Ətraflı

Xəbər lenti:

Qeyri-yaşayış binalarının təsərrüfat subyektinin rəhbəri və mülkiyyətçilərinə çağırış edilib
 

22-01-2024

Energetika Nazirliyi illik enerji istehlakı 1 000 ton neft ekvivalentindən çox olan təsərrüfat subyektlərində, həmçinin tikinti sahəsi ən azı 10 000 kvadratmetr və ya illik enerji istehlakı 250 ton neft ekvivalentindən çox olan qeyri-yaşayış binalarında təsərrüfat subyektinin rəhbəri və qeyri-yaşayış binalarının mülkiyyətçilərinə çağırış edir.

Fhnews.az xəbər verir ki, Nazirlikdən verilən məlumata görə, enerjinin səmərəli istifadəsinə cavabdeh şəxs olan enerji idarəçisinin təyin edilməməsinə görə fiziki şəxslərə 200 manatdan 400 manatadək məbləğdə, vəzifəli şəxslərə 1000 manatdan 1500 manatadək məbləğdə, hüquqi şəxslərə isə 2500 manatdan 3000 manatadək məbləğdə cərimə tətbiq edilir.

Enerji idarəçisinin təyin edilməsi Attestasiya Komissiyası tərəfindən həyata keçirilir. Komissiya təsərrüfat subyektinin rəhbəri və ya qeyri-yaşayış binasının mülkiyyətçisi tərəfindən 5 nəfərdən ibarət olmaqla yaradılır. Komissiyanın üzvlərindən biri Azərbaycan Respublikası Energetika Nazirliyinin nümayəndəsi olmalıdır.

Enerji idarəçisinin təyin edilməsi məqsədilə Attestasiya Komissiyasına nümayəndənin təqdim edilməsi üçün müraciətlər Energetika Nazirliyinin (012) 598-16-53/54/55 telefon nömrələri, həmçinin www.minenergy.gov.az internet səhifəsi və [email protected] elektron poçt ünvanı vasitəsilə qəbul edilir.

Paylaş:

Kateqoriyalar

Eyni kateqoriyalı xəbərlər