23 noyabr 2024, şənbə Bakı, 13°C
IMG-LOGO
  • 23 noyabr 2024, şənbə 20:10:27 Bakı , 13°C
Ana səhifə Xəbərlər Ətraflı

Xəbər lenti:

Pərviz Şahbazov belçikalı həmkarı və Almaniya Külək Enerjisi Assosiasiyasının prezidenti ilə müzakirələr aparıb

16-11-2024
IMG

Energetika naziri COP29 tədbiri çərçivəsində Azərbaycanda səfərdə olan Belçikanın energetika naziri Tinne Van der Straeten və Almaniya Külək Enerjisi Assosiasiyasının (GWEA) prezidenti Babel Haidebroek ilə görüşlər keçirib.

Fhnews.az Energetika Nazirliyinin yaydığı məlumata istinadən xəbər verir ki, Belçikanın energetika naziri Tinne Van der Straeten ilə görüşdə COP29-un enerji təşəbbüslərinin enerji keçidi üçün zəruri olan komponentləri əhatə etməklə bərpaolunan enerji mənbələrinin üçqat, enerji səmərəliliyinin isə iki dəfə artırılmasına dəstək verdiyi qeyd olunub.

BƏƏ-Azərbaycan-Braziliya üçlüyünün əhəmiyyətindən və qəbul olunmuş öhdəliklərin monitorinqinin zəruriliyindən danışılıb. Azərbaycanın iştirakı ilə Xəzər və Mərkəzi Asiyadan başlayan enerji dəhlizlərinin yaşıl enerji keçidi və təchizatın diversifikasiyasına töhfə verəcəyi bildirilib. Bu layihələrin regional enerji əməkdaşlığını təmin edən perspektivlərinə toxunulub.

Almaniya Külək Enerjisi Assosiasiyasının (GWEA) prezidenti Babel Haidebroek ilə görüşdə Azərbaycanın yaşıl enerjiyə transformasiyası və COP29-un enerji təşəbbüsləri ilə bağlı fikir mübadiləsi aparılıb. Xəzər dənizi və quruda külək enerjisi potensialı və həyata keçirilən layihələr barədə məlumat verilib. “Xəzər-Avropa Yaşıl Enerji Dəhlizi” və “Mərkəzi Asiya-Azərbaycan Yaşıl Enerji Dəhlizi” layihələri üzrə irəliləyişlər müzakirə edilib. Avropa, o cümlədən alman şirkətləri ilə dənizdə külək enerjisinin inkişafı və yaşıl enerji dəhlizləri layihələri çərçivəsində istehsal, avadanlıqlarla təchizat, ötürmə infrastrukturunun qurulması, eləcə də yaşıl elektrik enerjisi və yaşıl hidrogenin alıcısı kimi bütün komponentlər üzrə əməkdaşlıq imkanları nəzərdən keçirilib.

Paylaş:

Kateqoriyalar

Eyni kateqoriyalı xəbərlər