23 noyabr 2024, şənbə Bakı, 13°C
IMG-LOGO
  • 23 noyabr 2024, şənbə 19:58:31 Bakı , 13°C
Ana səhifə Xəbərlər Ətraflı

Xəbər lenti:

Olimpiadalara xüsusi hazırlıq proqramından 90 şagird yararlanıb

08-04-2024

İnnovasiya və Rəqəmsal İnkişaf Agentliyinin həyata keçirdiyi “Technest” təqaüd proqramı çərçivəsində riyaziyyat, informatika fənni üzrə respublika və beynəlxalq olimpiadalara xüsusi hazırlıq proqramı həyata keçirilir.

Agentlikdən verilən məlumata görə, artıq Quba, Şəki və Gəncə olmaqla 3 regionun FRİTL-ində (Fizika, riyaziyyat, informatika təmayüllü liseydə) ümumilikdə 90 nəfər 7 və 8-ci sinif şagirdlərinə fənn olimpiadaları üçün hazırlıq təlimləri təşkil olunub. Təlimlər ötən ilin aprel ayından başlayaraq 6 ay müddətində hibrid formada davam edib. Xüsusi hazırlıq proqramını bitirən 15 nəfər Respublika Fənn Olimpiadalarında finalçı kimi yer tutublar. Onlardan 5 nəfər isə Türkmənistanda keçirilən beynəlxalq olimpiadada iştirak haqqı əldə edib.

İnnovasiya və Rəqəmsal İnkişaf Agentliyinin sədri İnarə Vəliyeva olimpiada iştirakçıları ilə görüşüb və gəncləri əldə etdikləri akademik nailiyyətlər münasibətilə təbrik edib. Görüşdə olimpiadaçılar öz gələcək təhsil və karyera hədəfləri ilə bağlı fikirlərini bölüşüblər.

Qeyd edək ki, olimpiadalara xüsusi hazırlıq proqramı proqramlaşdırma, informatika və alqoritmik təfəkkür üzrə beynəlxalq müsabiqələrə sistemli hazırlıq yanaşmasını təqdim edir. Əsas məqsəd perspektivli şagird və tələbələri təlimlərə cəlb edərək olimpiadalarda yüksək nəticə əldə etmələrinə dəstək olmaq, bununla da ölkədə peşəkar İKT mütəxəssislərinin sayını artırmaqdır.

Paylaş:

Kateqoriyalar

Eyni kateqoriyalı xəbərlər