23 noyabr 2024, şənbə Bakı, 13°C
IMG-LOGO
  • 23 noyabr 2024, şənbə 20:04:21 Bakı , 13°C
Ana səhifə Xəbərlər Ətraflı

Xəbər lenti:

Nazir: Azərbaycan Belarusla kənd təsərrüfatı sahəsində əməkdaşlığa mühüm əhəmiyyət verir

04-09-2024
IMG

Kənd təsərrüfatı naziri Məcnun Məmmədov Belarusun xarici işlər nazirinin müavini İqor Nazarçukun rəhbərlik etdiyi nümayəndə heyəti ilə görüşüb. Görüşdə nazirliyin rəhbər şəxsləri, Belarusun müxtəlif dövlət qurumlarının təmsilçiləri iştirak ediblər.

Kənd Təsərrüfatı Nazirliyindən verilən məlumata görə, nazir Məcnun Məmmədov ölkəmizin Belarusla kənd təsərrüfatı sahəsində əməkdaşlığa mühüm əhəmiyyət verdiyini deyib. İki ölkə rəsmilərinin qarşılıqlı səfərləri zamanı əsas müzakirə mövzularından birinin aqrar sahədə əməkdaşlığı genişləndirmək olduğunu xatırladan nazir bu istiqamətdə davamlı iş aparıldığını vurğulayıb. Azərbaycanın Belarusun aqrar şəhərciklər və aqrar-sənaye komplekslərinin salınması təcrübəsinə böyük maraq göstərdiyini deyən nazir kənd təsərrüfatı məhsullarının ticarət dövriyyəsi həcminin artırılması üçün böyük potensial olduğunu diqqətə çatdırıb.

Səmimi qəbula görə təşəkkürünü bildirən Belarus Respublikasının xarici işlər nazirinin müavini İqor Nazarçuk iki ölkə arasında kənd təsərrüfatı sahəsində əməkdaşlığın artan temp üzrə inkişaf etdiyini söyləyib. May ayında Bakıda keçirilən 17-ci Azərbaycan Beynəlxalq Kənd Təsərrüfatı Sərgisi - “Caspian Agro”da ölkəsinin xüsusi pavilyonla təmsil olunduğunu və Azərbaycan nümayəndə heyətinin “Belagro” sərgisində iştirak etdiyini xatırladan nazir müavini bu cür platformaların qarşılıqlı əlaqələrin daha da inkişafına xidmət etdiyini vurğulayıb.

İqor Nazarçuk bildirib ki, hər iki ölkənin aqrar sahənin müxtəlif istiqamətlərinə dair zəngin təcrübəsindən qarşılıqlı faydalanmaq istəyi Azərbaycanla Belarus arasında kənd təsərrüfatı sahəsində əməkdaşlığı daha da genişləndirməyə imkan verir.

Görüşdə Azərbaycan və Belarus arasında kənd təsərrüfatı sahəsində əməkdaşlığın aktual mövzuları ətrafında fikir mübadiləsi aparılıb.

Paylaş:

Kateqoriyalar

Eyni kateqoriyalı xəbərlər