23 noyabr 2024, şənbə Bakı, 13°C
IMG-LOGO
  • 23 noyabr 2024, şənbə 19:55:56 Bakı , 13°C
Ana səhifə Xəbərlər Ətraflı

Xəbər lenti:

“Onlayn Azərbaycan” layihəsinin Bakı şəhərinə aid hissəsi tamamlanıb

23-09-2024
IMG

Rəqəmsal İnkişaf və Nəqliyyat Nazirliyi tərəfindən həyata keçirilən “Onlayn Azərbaycan” layihəsi çərçivəsində bu ilin avqust ayında Bakı şəhərində 4 min ev təsərrüfatı və biznes subyektinin genişzolaqlı internetə çıxış imkanı yaradılıb. Bununla da paytaxtda mövcud bütün təsərrüfatların genişzolaqlı internetə çıxışı təmin olunub.

Nazirlikdən verilən məlumata görə, layihənin əsas operatorlarından olan “Bakı Telefon Rabitəsi” MMC-nin baş direktoru vəzifəsini icra edən Tural Pirverdiyev layihənin mühüm mərhələsinin başa çatması ilə əlaqədar olaraq deyib: “Biz müştərilərimizə dəyərli xidmət və sərfəli məhsul təqdim etmək imkanlarımızı daha da genişləndirmiş olduq”.

Qeyd edək ki, “Onlayn Azərbaycan” layihəsinin icrasından öncə 2017-2020-ci illər ərzində Bakı şəhəri üzrə cəmi 193 min təsərrüfatın genişzolaqlı internetə çıxışı təmin edilib.

Sözügedən layihə çərçivəsində bu ilin sonunadək ölkə ərazisində bütün ev təsərrüfatı və biznes subyektlərinin GPON və digər genişzolaqlı texnologiyalar vasitəsilə genişzolaqlı internetlə təmin edilməsi, yüksəksürətli internetdən istifadənin genişləndirilməsi və sabit genişzolaqlı internet abunəçilərinin faizinin artırılması planlaşdırılır.

Hazırda ölkə üzrə ümumilikdə 2,9 milyon təsərrüfat genişzolaqlı internetlə əhatə olunub. Bu, ölkədəki mövcud təsərrüfatların 97 faizini təşkil edir.

Paylaş:

Kateqoriyalar

Eyni kateqoriyalı xəbərlər