23 noyabr 2024, şənbə Bakı, 13°C
IMG-LOGO
  • 23 noyabr 2024, şənbə 19:37:44 Bakı , 13°C
Ana səhifə Xəbərlər Ətraflı

Xəbər lenti:

İstanbulda azərbaycanlı tələbələr arasında keçirilən futbol turniri başa çatıb

10-11-2024
IMG

İstanbulda Türkiyə-Azərbaycan Dərnəkləri Federasiyasının (TADEF) dəstəyi ilə Yıldız Texnik Universiteti tərəfindən azərbaycanlı tələbələr arasında keçirilən futbol turniri başa çatıb.

Diasporla İş üzrə Dövlət Komitəsindən verilən məlumata görə, oktyabrın 30-dan start götürmüş turnirə qatılan komandalar işğaldan azad edilmiş ərazilərimizin şərəfinə “Xocavənd”, “Xocalı”, “Xankəndi”, “Zəngilan”, “Cəbrayıl”, “Ağdam, “Laçın”, “Şuşa”, “Füzuli” və “Zəngilan” adlandırılıb.

İlk görüş "Xankəndi" və "Füzuli" komandaları arasında keçirilib. Turnirin final oyunu isə 8 Noyabr – Zəfər Günündə baş tutub. Həlledici qarşılaşmada “Şuşa” və “Xocavənd” komandaları üz-üzə gəlib. Gərgin mübarizə şəraitində keçən oyunda “Xocavənd” komandası qələbə qazanaraq, “Zəfər Kuboku”nun sahibi olub.

Turnirin bağlanış mərasimində Türkiyə və Azərbaycanın dövlət himnləri səsləndirilib, iki qardaş ölkənin şəhidlərinin əziz xatirəsi ehtiramla yad edilib.

Sonra TADEF sədrinin müşaviri Pərviz Məmmədzadə çıxış edərək, qalib komandanın üzvlərini təbrik edib və “Xocavənd” komandasına “Zəfər Kuboku”nu təqdim edib. Turnirdə iştirak edən digər komandalara isə sertifikatlar təqdim olunub.

Turnir iştirakçıları öz növbəsində bu gözəl təşəbbüsə görə təşkilatçılara minnətdarlıqlarını bildirərək, bu kimi idman tədbirlərinin mütəmadi keçirilməsini arzu ediblər.

Paylaş:

Kateqoriyalar

Eyni kateqoriyalı xəbərlər