23 noyabr 2024, şənbə Bakı, 13°C
IMG-LOGO
  • 23 noyabr 2024, şənbə 19:18:44 Bakı , 13°C
Ana səhifə Xəbərlər Ətraflı

Xəbər lenti:

Həndbol üzrə Azərbaycan çempionatında 6-cı turun oyunları keçirilib

25-12-2023

Həndbol üzrə Azərbaycan çempionatında 6-cı turun oyunları keçirilib. Qadınların “AHF Arena”da keçirilən görüşlərində əvvəlcə “İdman Akademiyası” ilə “Bakı” üz-üzə gəlib.

Fhnews.az xəbər verir ki, Azərbaycan Həndbol Federasiyasının mətbuat xidmətindən verilən məlumata görə, nominal ev sahibinin üstünlüyü ilə yaddaqalan oyun 35:22 hesabı ilə başa çatıb.

“Qarabağ” – “Kür” matçı daha gərgin mübarizə şəraitində keçib. Mingəçevir həndbolçularının ciddi müqavimətinə baxmayaraq pərəstişkarlarını sevindirən “Qarabağ” ardıcıl 6-cı qələbəsini rəsmiləşdirib – 29:25.

“Azəryol” isə növbəti uğurlu nəticəni “Gənclər Birliyi” ilə oyunda qazanıb. Komandalar arasındakı aşkar səviyyə fərqi tabloda da əksini tapıb – 5:57.

Kişilərin mübarizəsində 6-cı tura “İdman Akademiyası” – “Bakı” görüşü ilə start verilib. Daha inamlı oyun göstərən paytaxtın eyniadlı komandası matçı 37:20 hesablı qələbə ilə başa vurub.

“Azəryol” – “Təhsil” görüşündə birincilər üstünlüklərini 10 xallıq fərqlə büruzə veriblər 39:29.

“Qarabağ” isə “Dinamo” ilə oyunda qarşıya qoyulan tapşırığı yerinə yetirib – 48:32.

Etiketlər:
Xəbərlər
Paylaş:

Kateqoriyalar

Eyni kateqoriyalı xəbərlər