23 noyabr 2024, şənbə Bakı, 13°C
IMG-LOGO
  • 23 noyabr 2024, şənbə 19:34:39 Bakı , 13°C
Ana səhifə Xəbərlər Ətraflı

Xəbər lenti:

Britaniyalı qadın Antarktidanı xizəklə keçib, dünya rekordu qırdı

01-01-2024

Britaniya ordusunun həkimi Harprit Çandi qadınların Antarktidanı təkbaşına xizəklə keçməsi üzrə dünya rekordu vurub.

Fhnews.az xarici mətbuata istinadən xəbər verir ki, qadın bu məqsədlə xidməti məzuniyyət götürüb. O, 1 130 kilometr Antarktika buzunu 31 gün 13 saat 19 dəqiqəyə qət edərək əvvəlki rekordçu Karolin Koteni bir gün 14 saat qabaqlayıb.

Ginnesin Rekordlar Kitabı bu rekordu hələ təsdiq etməyib. Bu, bir neçə ay çəkə bilər.

“Mən yorulmuşam, lakin bunu bacardığım üçün çox şadam. Bu, mənim son ekspedisiyamdan tamamilə fərqli idi”, - deyə Çandi bildirib.

Həkim orta hesabla gündə 12-13 saat xizək sürüb və içində sağ qalması üçün lazım olan hər şey olan 75 kiloqramlıq kirşəni çəkib.

“Antarktida heyrətamiz bir yerdir və burada olmaq böyük şərəfdir. Bu, hər kəsin fəth edə biləcəyi bir yer deyil, bu hörmətlə yanaşdığımız və onu təhlükəsiz keçməyə imkan verəcəyinə ümid etdiyimiz bir yerdir”, - deyə o vurğulayıb.

Etiketlər:
Xəbərlər
Paylaş:

Kateqoriyalar

Eyni kateqoriyalı xəbərlər