23 noyabr 2024, şənbə Bakı, 13°C
IMG-LOGO
  • 23 noyabr 2024, şənbə 19:37:01 Bakı , 13°C
Ana səhifə Xəbərlər Ətraflı

Xəbər lenti:

Avropa çempionatında iştirak edəcək Azərbaycan güləşçiləri bəlli olub

14-05-2024
IMG

Yunanıstanın Lutraki şəhərində 15 yaşadək güləşçilər arasında keçiriləcək Avropa çempionatında iştirak edəcək Azərbaycan idmançıları bəlli olub.

Azərbaycan Güləş Federasiyasından verilən məlumata görə, mayın 15-dən 18-dək davam edəcək qitə birinciliyinə sərbəst güləşçilər start verəcək.

Böyük məşqçi Namiq Quliyev, məşqçilər Elşad Allahverdiyevlə Xəqan Süleymanovun rəhbərliyi altında Musa Tağıyev (38 kiloqram), İbrahim Həsənov (41 kiloqram), Abbas Şəfiyev, Əliağa Süleymanov (hər ikisi 44 kiloqram), Fərid Hüseynli (48 kiloqram), Ramal Məmmədoğlu, Rəşid Nazarov (hər ikisi 52 kiloqram), Asim Əliyev (57 kiloqram), Ruslan Vəliyev, Tunar Quliyev (hər ikisi 62 kiloqram), Fərid İsmayılov (68 kiloqram), Nihad Süleymanov (75 kiloqram) və Hakim Tağıyev (85 kiloqram) mübarizə aparacaq.

Qızların yarışında ilk dəfə 7 güləşçi ilə təmsil olunacağıq ki, bu da say baxımından U-15 Avropa çempionatlarında Azərbaycan adına yeni rekorddur. Məşqçi Həsrət Məmmədyarovun rəhbərliyi altında Məryəm Hacıyeva (36 kiloqram), Gülnar Ağadadaşova (39 kiloqram), Nəzrin Əhmədli (42 kiloqram), Günel Kərimli (46 kiloqram), İnci Abdullayeva (50 kiloqram), Fatimə Bayramova (54 kiloqram) və Fidan Babayeva (57 kiloqram) yarışda iştirak edəcək.

Çempionata yunan-Roma güləşçiləri yekun vuracaq. Böyük məşqçi Əbilfət Məmmədov, məşqçilər İlham Vəzirovla Sənan Əlimirzəyevin rəhbərliyi altında Xudayar Kərimov, Ümüd Babayev (hər ikisi 38 kiloqram), Abdulrəhman Hüseynli, Qurban Məcnunov (hər ikisi 41 kiloqram), Elmir Abbasov (44 kiloqram), Amin Əsgərli (48 kiloqram), Orxan Həbibli (52 kiloqram), Hüseyn Vəlizadə (57 kiloqram), Nihat Məhərrəmov (62 kiloqram), Əli Məmmədov (68 kiloqram), Zöhrab Səfərov (75 kiloqram), Məhəmməd Orucov və Rauf Mütəllimov (hər ikisi 85 kiloqram) Lutrakidə uğur qazanmağa çalışacaq.

Görüşlər hər gün Bakı vaxtı ilə 12:00-da başlayacaq. Mayın 16-da sərbəst, növbəti gün qadın, ayın 18-də isə yunan-Roma güləşi üzrə mübarizəyə yekun vurulacaq.

Qeyd edək ki, Yunanıstanda ədaləti III dərəcəli beynəlxalq hakim Eldar Məmmədov qoruyacaq.

Paylaş:

Kateqoriyalar

Eyni kateqoriyalı xəbərlər