23 noyabr 2024, şənbə Bakı, 13°C
IMG-LOGO
  • 23 noyabr 2024, şənbə 20:29:40 Bakı , 13°C
Ana səhifə Xəbərlər Ətraflı

Xəbər lenti:

ADY 7-ci Çin Beynəlxalq Təchizat Zənciri və Logistika Sərgisində uğurla təmsil olunub

26-09-2024
IMG

“Azərbaycan Dəmir Yolları” QSC (ADY) 24-26 sentyabr tarixlərində Çində keçirilən 7-ci Beynəlxalq Təchizat Zənciri və Logistika Sərgisində uğurla iştirak edib.

ADY-dən verilən məlumata görə, sərgidə ölkəmizi, həmçinin Rəqəmsal İnkişaf və Nəqliyyat Nazirliyi, Dövlət Gömrük Komitəsi, “Bakı Beynəlxalq Dəniz Ticarət Limanı” QSC və “Azərbaycan Xəzər Dəniz Gəmiçiliyi” QSC də təmsil edib.

Azərbaycanın multimodal nəqliyyat infrastrukturuna həsr edilmiş milli pavilyon ziyarətçilərin böyük marağına səbəb olub. Pavilyonda Bakıda keçiriləcək COP29 tədbiri, “yaşıl” nəqliyyat, Azərbaycanın dəmiryol şəbəkəsi, Orta Dəhliz və digər istiqamətlərdə yükdaşımalara aid müxtəlif təqdimatlar və videoçarxlar nümayiş etdirilib.

Milli pavilyonu ziyarət edənlərə modernləşdirilmiş Bakı–Tbilisi–Qars dəmir yolu xəttinin Orta Dəhlizə gətirdiyi əlavə üstünlüklər, optimal yükdaşıma qrafiki və əməliyyatların rəqəmsallaşdırılması haqqında geniş məlumat verilib.

Paylaş:

Kateqoriyalar

Eyni kateqoriyalı xəbərlər